Warraaqsa ogummaa dijitaalaa: Milkaa’ina dhuunfaa irraa kaasee hanga guddina biyyaatti

Addunyaa har’aa saffisaan deemaa jiru kana keessatti teknooloojiin jireenya keenya guyyaa guyyaa keessatti qaama barbaachisaa ta’eera. Akkaataa daldala itti hojjennu, itti barannu fi itti bashannannu guutummaatti jijjiiree jira. Jijjiirama kana keessatti dandeettiin dijitaalaa furtuu milkaa’ina olaanaadha.

Dandeentii ogummaa dijitaalaa maaliidha? Maaliif barbaachisas?

Dandeettii dijitaalaa jechuun dandeettii interneetii, kompiitara, sooftiweerii fi meeshaalee dijitaalaa biroo haala bu’a qabeessa ta’een fayyadamuti. Kunis itti fayyadama iimeelii salphaa irraa kaasee hanga tooftaalee misooma weebsaayitii fi moosaajilee walxaxaa akkasumas gabaa dijitaalaa ta’uu danda’a.

Maaf barbaachisas?

1. Carraa Hojiif: Dhaabbileen garagaraa oomishaa fi tajaajila isaanii karaa dijitaalaan beeksisuuf saffisaan socho’aa jiru. Sababa kanaan fedhiin ogeessota ogummaa gabaa dijitaalaa, dizaayinii giraafikii fi misooma weebii qaban barbaaduu guyyaa guyyaan dabalaa jira.
2. Babal’ina Daldalaaf: Yoo daldala mataa keetii jalqabuuf yaadaa jirta ta’e, ogummaan beekumsa gabaa dijitaalaa beekuun, oomishaa fi tajaajila kee ummata bal’aaf beeksisuu fi gabaa kee babal’isuuf baayee barbaachisaa fi murteessaadha.
3. Guddina Dhuunfaaf: Dandeettiin dijitaalaa jireenya dhuunfaa kee keessattis caalaatti bu’a qabeessa akka taatuuf si gargaara; isaanis odeeffannoo salphaatti akka argattu, beekumsa kee akka babal’atu, akkasumas namoota biroo wajjin akka wal qunnamtu si dandeessisa.

Dandeettiin dijitaalaa jireenya nama tokkoo haala kamiin jijjiiruu danda'a?

Ogummaan dijitaalaa jireenya namoota hedduu jijjiireera. Nama dhuunfaa hoji dhabdummaa irraa gara ogeessa barbaadamummaa guddaa qabuutti, nama yaada biizinasii qabu, gara abbaa qabeenyummaatti ol guddisee jira. Fakkeenyota muraasa akka armaan gadii kanatti haa ilaalluu:

• Dargaggeessi tokko barnoota giraafiksi dizaayinii barachuun, aasxaa, baanariiwwan gara garaa tolchuu fi hojiiwwan freelancing garagaraa irratti hojjachuun jireenya isaa jijjiiraa jiru
• Dubartiin tokko mana ishee ishee keessa osoo hin bahin, daa'ima ishee osoo guddistu, barnoota misooma weebsaayitii WordPress, barachuun, suuqa online(e-commerce) mataa ishee banachuun oomisha isaanii gabaa idil-adunyaaf dhiyeessaa jiru
• Abbaan qabeenyaa daldala xiqqaa qabu tokko dandeettii gabaa dijitaalaa qabachuudhaan maamiltoota isaa haala ajaa’ibaatiin guddisaaru.

Ogummaan kunneen namoonni salphaatti hojii akka argatan ykn daldala mataa isaanii uumuuuf kan gargaaru qofa osoo hin taane, namoonni dhuunfaa addunyaa dijitaalaa keessatti ofitti amanamummaadhaan akka hirmaatanii fi yaada isaanii akka ibsan kan taasisudha.

Muuxannoo idil-addunyaa: Biyyoonni biroo akkamitti jijjiiramaa jiru?

Biyyoonni guddachaa jiran hedduun ogummaa dijitaalaa babal’isuun jireenya lammiilee isaanii jijjiiraa jiru. Biyyoota muraasa isaanii kaasnee haa ilaalluu

• Hindi: Sagantaa "Digital India" jedhuun lammiilee ishee hedduu ogummaa dijitaalaatiin leenjisaa jirti. Kunis damee IT keessatti carraa hojii miliyoonaan lakkaa’aman uumuu qofa osoo hin taane, biyyattiin wiirtuu teeknooloojii addunyaa akka taatu gargaareera. Dargaggoonni ogummaa koodii, misooma sooftiweerii, fi gabaa dijitaalaa barachaa pirojektoota idil-addunyaa heddu irratti hojjechaa jiru.
• Keeniyaa: Pirojektiin "Ajira Digital Program" jedhamuun beekamu dargaggootni Keeniyaa hojii onlaayinii fi dinagdee dijitaalaa irratti akka hirmaatan leenjisaa jira. Hedduun isaaniis madda galii argachuun jireenya isaanii fooyyessaa jiru.
• Ruwaandaa: Ruwaandaan giddugala teeknooloojii Baha Afrikaa taatee of hundeessuuf invastimantii guddaan gochaa jirti. Lammiilee isaa biratti dandeettii dijitaalaa cimsuuf, leenjii teeknooloojii kennuun, hojii kalaqaaf haala mijataa uumuudhaan dargaggoota hedduu gara damee teeknooloojiitti galchaa jiru.

Muuxannoon biyyoota kanneenii akkaataa ogummaan dijitaalaa nama dhuunfaa irraa kaasee hanga dinagdee biyyaatti jijjiirama guddaa fiduu danda’u agarsiisa.

Koorsii keenya: Gumaacha guddina teeknolojii Itiyoophiyaaf qabu

Muuxannoo addunyaa kana ilaaluun haala addaa Itoophiyaa tilmaama keessa galchuun leenjii ogummaa dijitaalaa bal’aa guyyoota 40 keessatti xumuramuu danda’u qopheessineerra. Koorsiin keenya qabiyyee armaan gadii of keessatti hammata:

• Digital Marketing: Akkaataa oomishaalee fi tajaajiloota keessan yookiin dhaabbata tokkoo toora interneetii irratti haala bu’a qabeessa ta’een beeksisuu dandeessan
• Dizaayinii Giraafiksii: Akkaataa suuraa, asxaa fi dizaayinii miidiyaa hawaasaa,poostarii, barjaa/baanariiwwan gara garaa haala ija namaa hawwatuun uumuu dandeessan
• Ijaarsa Weebsaayitii WoordPress: Akkaataa marsariitii mataa keessanii ykn maamilaa osoo koodii hin godhin hojjachuu dandeessan

Koorsii kun guutummaatti pirojektii irratti kan hundaa’edha. Kana jechuun ti’oorii barachuu qofa osoo hin taane, pirojektoota dhugaa irratti hojjechuun ogummaa qabatamaa ni argatta jechuudha. Leenjiin kun jalqabarraa kaasee hanga ati ogummaa sirrii argattuutti si geessa.

Yeroo Itiyoophiyaatti fedhiin ogeessota dijitaalaa olaanaa ta’e kanatti, koorsii kana fudhachuun egeree keessaniif invastimantii guddaadha. Daldala mataa keetii kan jalqabdus yoo ta’e yookiin ogeessa barbaadamu ta’uuf yoo barbaadde milkaa’inni kee as irraa eegala.

Dabareen keessan! Qaama bara dijitaalaa ta'aatii jijjiirama ofuma keessanii jalqabaa.